Lettere
NEGLI ANNI TRENTA
- 14/12/2014
Arriva Natale, questo è il racconto di quello che succedeva nelle nostre case, negli anni Trenta, da Santa Lucia. Per la nostra tradizione ci voleva il presepio…e tutta la famiglia si impegnava. Il titolo è in bosino-casbenese:
NATÂL D’UL MILA E NÖV CÉNT …E VÓLTASS INDRÉ(‘NA VÔLTA).
La mè Miê l’à legiü ‘na puesia, “l’è faj pulîd, a la ma dispiâs mia”. “Riva ‘l Natâl, fà funziunà ul cervèll, scrîv gió ‘n quajcoss da quan’ch’a ta sévat un fiurèll”. ma s-chisci ‘l cò , gh’a tró a pensà, ma ricòrdi ‘l Presèpi ch’a fasévum in la mè cà. Quan’che a Natâl gh’a mancava ‘na setimàna, cun Màma e Papà m’a s-ciupàva la fürügàna. Verdévum ul pacch faj sü da l’Epifania, per nünc fiurìtt a l’eva propi ‘na legrìa! tirâ fö la Madòna, San Giüsèpp,e’l Bambin , a vegnivan adré anca ul böö e l’asnìn . Ul Bambin l’eva bèll, a l’eva da purcelàna ma par fal nàss gh’eva anmò ‘na setimàna. I Re Mâg, finivan in d’un cantûn, a spetà ‘l sò dì, che ‘l füss quel bûn. Un’assa granda, e’l vérd da cartavelina a l’éva ‘l prâ ch’a quatâvum sü cun la munìna. Par truvan tanta, nünc fiuritt al savevum già, cun la nosta cavàgna a navum gió à la Madunina da Bubià. Sül nost santê a gh’eva mai nissün, curévum a cà, ch’a la ma speciâva in scima al Trün. Màma e Papà a dirigevan ul lavurà, e nünch fiurèj a gh’evévum ul nost dafà. Ul prufümm da munina a l‘impieniva la cà, grând e piscinitt m’ a faseva insugnà. A metévum in fira Pégur e béritt, cu’i sò pastûr, grand e piscinitt. in fund al Presèpi gh’è lì la Gabàna, la mangiadùra cun la paja bèla piana. E pö cun l’Ellura catàva sü in giardin, ‘na bèla ghirlanda ingir al Bambîn. La nócc da Natâl ,dopu vòtt dì a la rivâva, in la mangiadùra, süla paja ul Bambin al durmìva… Sott’al Presèpi a mettévum là quell ch’a gh’a vuréva par bêv e mangià. un zichìn d’acqua,pân e zücur sü’n piatèll, par scödigh la sêd e fà mangià ul camèll. A cà mea a fasevum inscì: ognidün giò ‘na scarpa,e…via tücc a durmì. Quan’la matina a levavum sü giò a tütta cursa a vidé ul regalin da Gesü.Dopu, a pê, via tütti a Méssa, ma pö sü a cà,püssé che in pressa. Prufümm d’arânz, mandaritt e munina, mes-ciâ cun quel ch’a vegniva fö d’ura cüsina. A l’eva Natâl, e dopu ‘l capûn, gh’a fasevum ra fèsta anca al panatûn. Cumè i Sânt ch’a finissan in glòria, pa’i nost panscitt a l’eva ‘na gran baldòria. A pènsi…che bèj, quej ann là!.. s’a sgunfian i öcc e gh’a trٕó a suspirà.
Ul Togn d’ul Trün, Santu Natâl d’ul Dümila….
Antonio Golzi
You must be logged in to post a comment Login